BALE ATINGA DIMBANI NA SOKSI YENYE TOBO

 

Mchezaji nyota wa Real Madrid Gareth Bale amekuwa nje ya dimba kwa muda wa wiki sita kutokana na kusumbuliwa na majeraha na baada ya kurejea siku ya jumamosi amekuja na njia mbadala ya kuepuka tatizo la misuli ambalo ndio lilimweka nje kwa muda wote lakini pengine hii njia inaweza kuwa ni ya kipekee.

Kwenye mchezo wake wa kwanza toka amerejea siku ya jumamosi dhidi ya Celta Vigo alipachika bao lakini hiyo haikuwa stori, utata ulikuja baada ya kugundulika kuwa anatumia soksi iliyotoboka kwenye mguu wake wa kushoto kitu kilichofanya waandishi wamtafute kwaajili ya kujua nini sababu ya yeye kutumia soksi yenye tobo.

Ingekuwa hapa Bongo tayari tungekuwa na majibu yetu kutokana na utamaduni uliopo ambao unamfanya mtu awe na sehemu moja tu ya kuiamini kama kitu kikiwa tofauti na alivyozoea na mara nyingi tunaamini Imani za kishirikina lakini kwa Bale mambo yako tofauti.

Baada ya kuhojiwa Bale alisema kuwa kutokana na tatizo la misuli kumsumbua mara kwa mara alishauriana na daktari wake ndipo ikabainika kuwa hali ya mguu kubanwa na soksi inasababisha misuli kukosa hewa vizuri awapo dimbani na inakuwa inavimba taratibu ndo maana akiguswa tu ana mchezaje mwenzake misuli inavimba na kusababisha kumweka nje ya mchezo ndo walipoamua kuja na njia hiyo ya kuitoboa soksi ili aweze kucheza kwa uhuru zaidi huku mguu ukipata hewa ya kutosha.

Baada ya Bale kuanza zoezi hilo siku ya jumamosi leo pia tunatarajia kumuona na soksi yake yenye tobo mguu wa kushoto wakati Madrid wakiwakaribisha As Roma kwenye dimba lao la Santiago Bernabeu kwenye mchezo wa marudio Uefa Champions League hatua ya 16 bora.

chanzo>mpekuzi

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.