EAC WATAKIWA KUMUUNGA MKONO RAIS MAGUFULI

 

KATIBU Mkuu wa Jumuiya ya Afrika Mashariki (EAC) aliyemaliza muda wake, Dk Richard Sezibera amewataka wananchi kuunga mkono jitihada za kupambana na rushwa zinazofanywa na viongozi wa jumuiya hiyo wakiongozwa na Mwenyekiti wake wa sasa, Rais John Magufuli.

Sezibera aliyemaliza muda wake hivi karibuni na nafasi yake kuchukuliwa na Liberat Mfumukeko wa Burundi, aliyasema hayo jana kwenye mkutano wa nne wa Mwaka wa jumuiya hiyo unaofanyika Hoteli ya Hyatt, Dar es Salaam.

Alisema ili tatizo la rushwa limalizike, hatua za dhati za kuwaunga mkono na kufichua wala rushwa zinazofanywa na viongozi wakiongozwa na Rais Magufuli anayepambana bila woga kukabili watendaji wanaotumia vibaya madaraka na fedha za umma.

Aliongeza kuwa, kuna umuhimu wa kila mwananchi wa jumuiya kukataa tabia ya rushwa na ufisadi ili kuwaunga mkono viongozi walioonesha uthubutu kukataa vitendo vya rushwa.

Katikati ya wiki hii, akiwa mjini Arusha kuongoza kikao cha wakuu wa umoja huo, Rais Magufuli alieleza jinsi rushwa inavyorudisha nyuma maendeleo na kuwataka viongozi wengine wa jumuiya hiyo kuungana `kutumbua majipu’ ya watendaji wanaojinufaisha kutokana na rasilimali za umma, badala ya kuwatumikia wananchi ambao wengi wao ni masikini.

Mkutano huo umejumuisha makundi tofauti yakiwemo ya sekta binafsi, lengo likiwa kuzungumzia mbalimbali yanayoihusu jumuiya.

 

chanzoM>mtembezi

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.