YANGA SC KUREJEA KILELENI LEO?

MICHEZO saba ya Ligi Kuu ya Bara, inatarajiwa kuchezwa katikati ya wiki hii, huku leo kukichezwa mchezo mmoja wa Yanga inayotaka kurejea kileleni dhidi ya Africans Sports kwenye Uwanja wa Taifa jijini Dar es Salaam.

Licha ya mchezo huo michezo mingine sita itachezwa kesho na keshokutwa katika viwanja mbalimbali nchini.

Akizungumza na simba makini leo asubuhi, Mkuu wa Idara ya Habari na Mawasiliano wa Yanga, Jerry Muro alisema leo jioni watakuwa wamesharejea kileleni mwa msimamo wa ligi hiyo.

Alisema wanafahamu ugumu wa ligi ulipofikia hivi sasa, hivyo hawawezi kukubali kupoteza pointi kirahisi.

“Leo jioni tutarudi katika nafasi yetu, hao walioko juu (Simba) wameisj=hika hiyo nafasi kwa muda maalum tu, lakini mpaka kufikia jioni tutakuwa kileleni kwetu.

“Ligi ya msimu huu imekuwa ngtumu na kila mchezo unahitaji kushinda ili kuongeza wigo wa pointi na timu zilizo nyuma yako” alisema Muro.

Hata hivyo nahodha wa Africans Sports, Mendy James alisema wanafahamu jinsi ya kucheza na Yanga na kupatra matokeo.

James, alisema wanaingia katika mchezo huo wakiwa katika malengo mawili tofauti kwa wao kutaka kujinasua mkiani na Yanga kutaka kwenda kileleni.

Mchezo wa kwanza wa timu hiyo uliofanyika Tanga kwenye Uwanja wa Mkwakwani, ulimalizika kwa Yanga kupata ushindi wa bao 1-0.

Ikitokea Yanga wameshinda mchezo huo watakuwa wamefikisha pointi 50 na kuishusha Simba kileleni ambayo watabaki na pointi zao 48.

Licha ya mchezo huo wa leo kesho Tanzania Prisons watakuwa wenyeji wa Kagera Sugar kwenye uwanja wa Sokoine jijini Mbeya, huku Coastal Union wakicheza na ndugu zao maafande wa Mgambo Shooting katika uwanja wa Mkwakwani jijini Tanga.

Mwadui FC watakuwa wenyeji wa Majimaji katika Uwanja wa Mwadui Complex mjini Shinyanga, huku JKT Ruvu wakiwakaribisha Toto African katika Uwanja wa  Mabatini, Mlandizi mkoa wa Pwani.

Alhamisi Simba SC watawakaribisha Ndanda FC kutoka Mtwara katika uwanja wa Taifa jijini Dar es salaam, huku wagonga nyundo wa jiji la Mbeya timu ya Mbeya City wakiwakaribisha Stand United chama la wana katika uwanja wa Sokoine.

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.