Vanessa Mdee asimulia alivyokuwa akitaniwa utotoni wakati akisoma Paris kutokana na umbo lake dogo

Vanessa Mdee amedai kuwa wakati anasoma shule jijini Paris, Ufaransa miaka mingi iliyopita wakati familia yake ikiishi huko, alikuwa akitaniwa na watoto wa kizungu kwakuwa alikuwa na umbo dogo.

Amekumbushia kisa hicho kwenye mahojiano na mtangazaji wa BBC Radio Service , Salim Kikeke kwenye makala ya Kiingereza ya Global Beat: Tanzanian Hip hop.

“Nilikuwa nikitaniwa sana kwasababu nilikuwa mwembamba sana, nilisoma shule Paris na walikuwa wakiniita Msomali,” amesema Vee.

“Nilikuwa nikirudi nyumbani nalia na mama angeniuliza tatizo nini ningemwambia kilichotokea na unajua kuwa kwenye nchi ya kigeni na angesema ‘puuzia’ na mimi ningesema ‘unaamisha nini nipuuzie, nataka uende ukafanye timbwili shuleni’ unajua. Na asingefanya hivyo kamwe,
angeniambia tu ‘puuzia’ sababu hapo ndio moyo wako halisi hujitokeza, huo ndio wajihi,” alisema Vanessa.

Vanessa anamaanisha kuwa hiyo ndio sababu aliandika wimbo wake Hawajui uliompa tuzo mwaka jana.

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.