WAZIRI MKUU AAGIZA ‘KUTUMBULIWA’ KWA MWEKEZAJI SIMIYU

newspointtz.blog

 

Mbunge wa Meatu amemuomba waziri mkuu kuchukua hatua stahiki dhidi ya mwekezaji anayejihusisha na shughuli za uwindaji wilayani Meatu mkoani Simiyu anayedaiwa kuwadhalilisha wananchi.

Aidha mbunge huyo ameiomba serikali kuutafutia ufumbuzi mgogoro wa mipaka baina ya pori la akiba la Maswa na vijiji vinavyopakana na hifadhi hiyo.

Akizungumza kwa niaba ya wananchi katika mkutano wa hadhara, Mbunge huyo wa Meatu amedai kuwa kero kubwa inahusisha kampuni binafsi ya mwekezaji ambayo waannchi wamekuwa wakiilalamikia kwa madai ya kuwatesa kwa vipigo hali ambayo amesema haipaswi kuendelea

Akijibu malalamiko hayo Waziri Mkuu Kassim Majaliwa amesema serikali haiwezi kumuona mwekezaji akifanya vitendo viovu pasipo kuheshimu sheria za nchi ambapo amemuagiza mkuu wa mkoa wa Simiyu Elaston Mbwilo  kukutana na mwekezaji huyo na kupitia mikataba yote na taarifa  itolewe kwa waziri mkuu ifikapo Machi 11 na kwamba iwapo atakuwa amekiuka baadhi ya vipengele serikali itachukua hatua stahiki.

Wakati huo huo waziri mkuu Kassimu Majaliwa amesitisha ziara wilayani maswa kufuatia kifo cha ghafla cha Mkurugenzi wa halmashauri ya Maswa Trasiasi Kagenzi aliyefariki dunia jana katika  Hospitali ya Bugando jijini Mwanza alikofikishwa kwa matibabu baada ya kuanguka ghafla juzi wakati akiwa kwenye mazoezi.

chanzo>mtembezi

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.