WAZIRI MKUU AFICHUA HAYA MAPYA JUU YA RUSHWA AFRIKA

 

WAZIRI MKUU Kassim Majaliwa amesema tatizo la rushwa barani Afrika linasababisha upotevu wa dola za Marekani bilioni 150 kila mwaka.

Akihutubia wajumbe wa mkutano wa tano wa Bunge la Afrika Mashariki (EALA) linaloendesha vikao vyake jijini Dar es Salaam, Waziri Mkuu ambaye alimwakilisha Rais Dk. John Pombe Magufuli, amesema rushwa imechangia kwa kiasi kikubwa kurudisha nyuma maendeleo ya Afrika.

Amefafanua kuwa rushwa yaweza kutolewa kwa njia kuhonga fedha, kupata fedha kwa kula njama, kujipatia fedha kwa njia za udanganyifu, ama kwa njia za vitisho.

Kwa mujibu wa taarifa ya Umoja wa Afrika (AU), rushwa na urasimu vimeainishwa kuwa ni vikwazo vikubwa vinavyochangia kuchelewesha ufanyaji wa biashara kwenye mipaka ya nchi za Jumuiya ya Afrika Mashariki, licha ya kwamba sekta binafsi inachukuliwa kama injini ya maendeleo na ukuaji wa uchumi.

Hata hivyo Waziri Mkuu ametumia fursa hiyo kuipongeza jumuiya ya wafanyabiashara wa Afrika Mashariki kwa kuandaa kanuni za kiutendaji ambazo zimelenga kuhamasisha uadilifu kwenye ufanyaji wa biashara unaozingatia haki za binadamu, sheria za kazi, utunzaji mazingira na vita dhidi ya rushwa.

 

chanzo>mtembezi

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.