Wajawazito Wilaya ya Ulanga watakiwa kuwahi kupata huduma za afya Hospitali ya wailaya

MAHENGE-ULANGA

Na.Timotheo Lupembe

Mama wajawazito Wilayani Ulanga wametakiwa kuwahi kupata huduma katika kitengo cha wajawazito Hospitali ya Wilaya ya Ulanga kwani huduma hizo hutolewa bila malipo

Hayo yamesemwa na Afisa Muuguzi msaidizi kitengo cha wajawazito Hospitali ya Wilaya ya Ulanga Bi. Neema Baharia alipozungumza na newspointtz.blogspot.com ofisini kwake na kuwataka wajawazito kufanya hivyo kwani huwasaidia kujua hali ya mototo pindi yupo tumboni na kufahamu taratibu za kujifungua.

Aidha Bi.Baharia alisema licha ya Serikali kutoa huduma bure kwa wajawazito katika Hospitali za Serikali na wao hutoa elimu kwa njia ya vipeperushi lakini bado wanakumbana na changamoto ya uelewa mdogo kwa baadhi ya wajawazito pindi wanapotoa elimu ya uzazi na maandalizi ya kujifungua.

Kwa upande wake mmoja kati wajawazito Hospitalini hapo Bi. Hadija Mshamu ameipongeza serikali kwa kutoa huduma bure kwa wajawazito za upimaji na utoaji wa chanjo na dawa hali inayowafanya wapate uraisi wa kujua hali zao na maendeleo ya mototo pindi yupo tumboni.

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.