Kikwete kupokewa kishujaa Bagamoyo

Mwenyekiti Mstaafu CCM,Dr.Jakaya Mrisho Kikwete.

Mapokezi makubwa yameandaliwa leo wilayani Bagamoyo kumpokea Mwenyekiti mstaafu wa
Chama Cha Mapinduzi(CCM),
Dkt. Jakaya Kikwete baada ya kufanikiwa kukitumikia Chama cha Mapinduzi vizuri.

Kwa mujibu wa  Katibu Mwenezi wa CCM, Wilaya ya Bagamoyo,Kassim Gogo alisema kuwa
 mapokezi hayo yataanzia Chalinze hadi Bagamoyo. Alisema kuwa wanaCCM wa
wilaya hiyo wanajisikia furaha sana kuona Jakaya Kikwete ambaye ni mzaliwa wa Kijiji
cha Msoga, wilayani humo, ameng’atuka salama baada ya kukitumia chama na serikali
kwa miaka kumi.

Gogo, alisema kuwa katika mapokezi hayo watakuwepo madiwani wote wa wilaya hiyo,
viongozi wa CCM, wabunge wote wa Mkoa wa Pwani na wananchi.

 Aliongeza  kuwa wakati wa hafla hiyo pia Mwenyekiti mstaafu, Kikwete atakabidhiwa zawadi
 mbalimbali ikiwemo kumvisha gwanda ili awe mlezi wa CCM Mkoa wa Pwani.
Katika sherehe za mapokezi zitakazofanyika mbele ya Makao Makuu ya Ofisi za
CCM za wilaya hiyo zilizopo Bagamoyo Mjini, patakuwepo ngoma za asili ya makabila ya
Wakwere, Wazaramo na Wazigua pamoja na wasanii mbalimbali.

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.