Waponda kokoto wasaidiwe-WAZIRI UMMY

 

Waziri wa Afya, Maendeleo ya Jamii, Jinsia, Wazee na Watoto, Mhe. Ummy Mwalimu amempa wiki mbili Mkurugenzi wa Halmashauri ya Msalala wilayani Kahama, awe amempatia ripoti inayohusu kuwezeshwa kwa wanawake wanaoponda kokoto wilayani humo.

Waziri Ummy ametoa maagizo hayo wakati alipofika halmashauri hiyo kukagua ujenzi wa Kituo cha Afya kilichopo Kata ya Bugarama kinachojengwa na kampuni ya mgodi wa ACACIA iliopo Bulyahulu na kuwakuta wanawake mbele ya majengo hayo wakiponda kokoto kwa kutumia vifaa duni na kwa mkono

Waziri Ummy alisema hivi sasa kuna vitendea kazi vya kisasa na vya bei rahisi ambayo vitawasaidia wanawake hao kuwarahisishia kazi hiyo na kuacha kushinda kwa saa kumi wakiponda mawe hayo ili kupata kokoto.

Alisema haiwezekani wanawake wanaojishughulisha na shughuli ndogondogo wakaachwa pasipo kusaidiwa kwani wanawake wengi ndio wanaosaidia familia.

Aidha, Mhe. Ummy alitoa wito wa kuhamasishwa wanawake wengine katika Kata zote kujiunga kwenye vikundi hususan wale wanaojituma na kujitoa kwa biashara ndogondogo

Naye Mganga Mkuu wa Halmashauri hiyo Dkt. Hamad Nyembea alisema kampuni hiyo ya ACACIA ilianza ujenzi wa Kituo cha Afya Julai, 2014 na hadi kukamilika ujenzi huo utagharimu zaidi ya shilingi bilioni 1.7, na ujenzi wa Zahanati ya Bulyahulu utagharimu zaidi ya shilingi milioni 300.

Share on Google Plus

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.