Waziri Nape awataka makatibu tawala wa mikoa kusimamia vyama vya michezo katika maeneo yao

Waziri wa habari,Utamaduni,Sanaa na Michezo amewataka makatibu tawala wa mikoa na maafisa tawala wa wilaya kusimamia na kuimarisha vyama vya michezo katika maeneo yao.

Waziri Nape ameyasema hayo akiwa katika ziara ya kikazi katika mikoa ya Tabora na Singida ikiwa na nia yakutembelea maeneo yanayohusu sekta za wizara,kupokea taarifa ya mkoa na kutoa vitendea kazi kwa maafisa habari na mawasiliano wa mikoa husika.

“Tunalo tatizo la kuangalia vyama vya michezo katika ngazi ya Taifa peke yake,matokeo yake mikoani huku hali inakuwa mbaya na vyama vya michezo hivi viangaliwe kwa upana wake na sio mpira wa miguu tu,” alisema Waziri Nape.

Aidha waziri huyo mwenye dhamana ya michezo alisema kuwa mpira wa miguu umeingiliwa na wapiga dili kwani suala la rushwa kwa sasa limekithiri sana na hasa upangaji wa matokeo na hili linatokea hasa kwa kuwa vyama vya michezo ni legelege na hivyo wanatengenezwa watu wanajiita viongozi wa michezo kwenye mikoa na wilaya lakini ukweli wanatengenezwa wapiga kura wa kwenda kuwapigia kura wakubwa na wala hawana mpango na vyama vya michezo kwenye mikoa na wilaya zetu.

Pia waziri uyo amewaagiza makatibu tawala wa mikoa na maafisa tawala wa wilaya kuhakikisha wanavijua na pia kukutana na vyama vya michezo vya mikoa na wilaya zao ili kuhakikisha chaguzi zinafanyika kwani wao ndo walezi na wenyeviti wa kamati za maendeleo ya michezo za wilaya na mikoa na ambae hatofanya hivyo atataftiwa kazi nyingine na kubainisha kuwa utawekwa utaratibu wa kuwakumbusha kwa maneno na kwa maandishi kwa namna hii tutafika mbali katika michezo nchini.

News Point inakusogezea habari kubwa za kila siku kutoka kila kona ya dunia. Ungana nasi kupitia Facebook , Twitter na Instagaram ili uwe wa kwanza kupata habari.